2021-2022-BATXI2-USE-Ordutegia-Ekainaren 8-9-10

Ohiko deialdia: ekainaren 8, 9 eta 10ean Ezohiko deialdia: uztailaren 6, 7 eta 8an

Behin betiko ordutegia

 ASTEAZKENAOSTEGUNAOSTIRALA
08:30 – 09:00Aurkezpena  
09:00 – 10:30Euskara eta Literatura IIGaztelania eta Literatura IIAtzerriko Hizkuntza II (Ingelesa)
10:30 – 11:15AtsedenaldiaAtsedenaldiaAtsedenaldia
11:15 – 12:45Espainako HistoriaMatematika II
Giz.Z.Apl.Matematika II
Artearen Oinarriak II
Fisika
Filosofiaren Historia
Atzerriko Hizkuntza II (Alemana, Frantsesa)
12:45 – 14:30AtsedenaldiaAtsedenaldia 
14:30 – 16:00Kimika
Latina II
Diseinua
Biologia
Artearen Historia
Grekoa II
 
16:00 – 16:30AtsedenaldiaAtsedenaldia 
16:30 – 18:00Enpresaren Ekonomia
Ikus-entzunezko Kultura II
Geologia
Marrazketa Teknikoa II
Geografia
Arte Eszenikoak
 

Dokumentua:

AURKEZPENA

Euskara eta Literatura II azterketa egiten duten ikasle guztiak joango dira aurkezpenera. NAN edo beste identifikazio agiri baliagarri bat eraman beharko dute, eta matrikularen gordekina. Matrikulatuta ez daudenei ez zaie azterketa gelan sartzen utziko.

Aurkezpenean ebaluazioa egiteko azalpenak emango dira, eta kodeen orria emango zaie ikasleei. Begiratu beharko dute ea matrikulako datuak ondo dauden (izena, NAN zk., ikastetxea, zein gairen azterketa egingo duten…). Akatsik egonez gero, lehen atsedenaldian esan beharko diote epaimahaiari.  Ez da aldaketarik onartuko matrikulako eta kodeen orriko informazioa bera denean.

Gainontzeko ikasleak epaimahaiaren aurrera joan beharko dira kodeen orria hartzeko lehen proba baino 15 minutu lehenago. NAN edo beste identifikazio agiri baliagarri bat eraman beharko dute, eta matrikularen gordekina. Matrikulatuta ez daudenei ez zaie azterketa gelan sartzen utziko. Begiratu beharko dute ea matrikulako datuak ondo dauden (izena, NAN zk., ikastetxea, zein gairen azterketa egingo duten…). Akatsik egonez gero, lehen atsedenaldian esan beharko diote epaimahaiari. Ez da aldaketarik onartuko matrikulako eta kodeen orriko informazioa bera denean.

BI GAI EDO GEHIAGOREN AZTERKETA ORDU BEREAN DUTEN IKASLEAK

Inork bi azterketa ordu berean izanez gero, ikasleak horren berri eman beharko dio epaimahaiari. Probak  bata bestearen ostean egingo dituzte, ikasgelatik irten gabe, epaimahai berarekin eta dagokien egunean. Azterketa biak bigarren orduan badira, lehenengo orduko azterketak hasi baino 15 minutu lehenago bertaratuko dira.

MARRAZKETA TEKNIKOA II

Marrazketa Teknikoa II-ko azterketa egiteko, ikasleek behar duten materiala ekarri beharko dute: arkatza, eskuaira, kartaboia eta konpasa.

MUGIKORRAK

Mugikorrak eta gailu elektroniko guztiak itzali egin behar dira azterketa gelan sartu baino lehen.

Dokumentua informazio gehigarriarekin:

2021-2022-Batxi1-ERASMUS+: PEZENAS IV

Bizirik jarraitzen dugu momentuz gure laugarren egunean, Frantzian.

Goizean jaiki gara eta lehenengo parada Clamouseko kobetan izan dugu. Barnean sartu eta pelikula bat jarri digute kobak nola sortu ziren ezagutzeko. Guztia frantsesez. Batzituen azpitituluak, baina haiek ikusteko teleskopio bat behar zen, gutxienez, eta ez ginen gauza askorekin geratu. Ondoren, koba barrura sartu ginen. Estalaktitak goitik behera, estalakmitak behetik gora, guztiz beteta. Izugarriak batzuk eta fin-finak besteak, kolore eta forma guztietakoak. Koba oso interesgarria.

Handik irtendakoan, bazkari pasaratxo txiki bat egin eta kanoatan ibiltzera joan ginen. Bi presaren artean soltatu gintuzten denok. Gazte pilo bat jolaserako gogoarekin eta horren gazteak ez zirenak ere berdintsu. Goitik behera blai eginda bukatu genuen denok, pirata frantsesen abordaia eta iraulketa artean.

Kanoa guztiak txukun-txukun utzi eta ikastolara bueltatu ginen. Han azkeneko argazkiak atera eta txekiar eta Pezenaseko frantsesak agurtu genituen. Iluntzerako, beste frantsesekin zita egin genuen afaltzera joateko.

Etxerako bidean, biharamunerako, bueltarako bazkaria erostera gelditu ginen. Gauzak merke-merke eta bakoitza bere menua erostera! Ala! Hango tortila eta entsalda de pasta pila!

Gauean, afari pasaratxoa egin genuen frantsesekin, lehen esan bezala eta, bukatutakoan, gure bungalowak erakutsi genizkien.

Nahiko builosoak ziren frantses hauek ere. Kanpina puskatu aurretik edo handik bota aurretik bidali genituen, behintzat!. Joan zirenean, lasaitasuna nagusi. Agurtu eta lotara. Hurrengo egunean, berriro Euskal Herrirako buelta izango dugu eta, gure tierran txukun samar azaldu nahi badugu, deskantsatu beharrean gara. Ea ba bihar ze abentura dauzkagun!

2021-2022-Batxi1-ERASMUS+: PEZENAS III

Badoa aurrera gure Frantziako periploa. Gaur ere hainbat gorabehera izan dugu. Goizean goiz jaiki, gosaldu eta, ikasle guztiak bildu ondoren, Heric-eko aranera abiatu gara. Hasiera batean, premisa sinplea zirudien. Bi bide dauzkagu. Biak leku berdinera iristen dira, baina bat bide zaila da eta bestea, berriz, erraza. Kirolari direnak bide zaila egin behar zutela entzun eta euskaldun guztiok bide zaila egitera apuntatu gara. Nola ez ba.

Hasi gara goraka. Frantsesen irakaslea erritmo gogorra jartzen. Denak arnasestuka. Euskaldunak eutsi diogu irakasle frantsesaren eraso gogorrei, baina txekiarrak atzean geratu dira. Denok geratu gara haien zain, baina ez dira agertzen. Beste bide bat hartu dute eta galdu egin gara. Ene! Hau da kaosa! Irakasle frantsesa behera jaitsi da galdutakoen bila eta gu bidean kartetan jolasten geratu gara. Banaka batzuk heldu dira, baina pelotoia falta. Ordu bat pasa da. Telefono deia jaso dugu. Irakasle fratsesak besteak aurkitu ditu, baina bide zaila egiteko denborarik ez dugula izango pentsatzen dugu. Guztiok behera jaitsi eta bide erraza egitea pentsatu dugu. Ohituta gaude horrelakoetara, cosas del Erasmus.

Bide errazean goazela erreka batek egindako aranean zehar, ur putzu politak ikusi ditugu, eta ikasleak bertan sartzera animatu dira. Salto batzuk egin dituzte, bazkaldu eta behera abiatu gara. Paraje politak ikusi ditugu azkenean eta merezi izan du gorabehera guztiak pasatzea.

Autobusean sartu beste frantsesak beren herrian utzi eta kanpinera abiatu gara. Afaltzeko ikasleek prestatutako patata tortila eta brotxetan izango ditugu. Ea nolakoak irtetzen zaizkien!! Afariaren ondoren, bihar bizik bagaude, jarraituko dugu gure periploarekin.

2021-2022-Batxi1-ERASMUS+: PEZENAS II

Goizean jaiki eta gosaldu ondoren, autobusa hartu dugu Agdera abiatzeko. Agden barku batean sartu gaituzte eta portutik irten eta itsaso zabalera sartu gara. Orduberdi bat barkuan pasa ondoren, bakoitzari bere instruktorea zein den esan digute eta, denborarik galdu gabe, aletak jantzi, betaurrekoak jarri, bonbona bizkarrean lotu eta han joan gara, ur azpira.

Ur azpian denetik ikusi dugu. Hasiera batean Eroskiko orgatxoak eta gurpilak ikusiko genituelakoan geunden, baina horrelakorik ez dugu ikusi. Itsas trikuak, itsas izarrak, olagarroak eta arrain pila bat ikusi dugu. Guztiak uretatik pasa ondoren, berriro kostara bueltatu gara. Han dutxa txiki bat hartu eta bokadilo bat jan dugu.

Arratsaldea hondartzan pasa dugu. Bueltakoan, Erasmusen askotan gertatzen den bezala, bakoitzak gauza desberdin bat ulertu eta han ibili gara autobusa ezin bilatuta. Batzuk ez dakit non daudela, besteak beste puntan galduta, besteak itsasoan… Artalde guztia bildu ondoren, kostatuta, autobusa hartu eta gure kanpinera bueltatu gara.

2021-2022-Batxi1-ERASMUS+: PEZENAS I

Heldu gara bidaia luze baten ondoren Pezenasera. Gure Erasmus proiektuaren azken geltokia izango da hau. Hiru urteren ondoren, beste hiru ikastetxerekin batera ari gara heltzen bukaerara.

Arratsaldeko 17:30ak aldera heldu ginen Agdera, gure bidaien erdigunea izango denera. Arratsaldea hondartzan pasa ondoren, afaltzeko hanburgesa batzuk egin genituen. 2 ordu hanburgesak egiten egon ondoren, ilunpetan afaldu eta ohera joan ginen.

Gaur goizean goizo jaiki gara, hondartzan eguzkiaren irteera ikusteko eta, bide batez, yoga pixkat egiteko. Gosaldu ondoren, Pezenasera abiatu gara beste ikastetxetako ikasleak ezagutzera. Han guztioi harrera bat egin digute eta elkarrekin bazkaldu egin dugu.

Bazkaldu ondoren, Pezenasetik buelta bat egin dugu eta itxarotaldi luze baten ondoren Seteko herria bixitatzera joan gara. Handik bueltan, gaur afaldu eta biharko prestatzen hasi beharko dugu, buzeatu egin behar omen dugu eta.

2021-2022-Batxi1-CrossFit

Hementxe daukagu soinketako azken klaseetan egindakoaren informea. Ikerrek, txintxo-txintxo, eman digu haien berri.

CrossFit Txindokiren eskutik gozatu zuten saioaz eta GARAZI LORENZO ikasleohia izan zuten gidari ezinhobea. Benetan saio aproposa eta dibertigarria prestatu zien berak eta gure ikasleak, izerdi patsetan, a ze nola saiatu ziren! Mundial pasatu zuten eta ondorengo egunetan giharretako mina ezin kendurik ibili omen dira!

Ez ziren gutxi izan informazioa eskatu zutenak eta, orain bere kontura, jarraipena emateko asmoz azaldu zirenak.

Ea Beasaingo festek ez dizkien asmo on horiek uxatzen!

Eskerrik asko, Garazi!

2021-2022-Batxi2-AZTERKETAK-OHIKOA

BATXI2
Maiatzaren 17a, asteartea– Lengua
– Euskara
Maiatzaren 18a, asteazkena– Kimika-Filo
– Marrazketa-Arte
Maiatzaren 19a, osteguna– Fisika-Enpresa
– Ingelera
Maiatzaren 20a, ostirala– MateZ-MateG
– Historia

ORDUTEGIA

  • 08:30
  • 11:30

Beste azterketak tartea dagoenean txertatuko dira. 

OHIKOetarako zerrendetan apuntatu! Irakasleak jakin behar du zein azterketa prestatu behar duen eta izena SIN FALTA eman!

2021-2022-Batxi1-ERASMUS+ORDIZIAN

Etorri zaigu berriro bixita. Erasmus + proiektuaren baitan, Pézenaseko (Frantziako) ikasle eta irakasleak dira oraingo honetan.

Eta, aitzaki-maitzaki, ingurubueltan ibiltzeko aukera izan dugu denok ere!

Batxi2 oraindik 3. ebaluazioaren azken txanpan dagoen honetan, asteartean iritsi ziren frantsesak herrira.

Asteazken goizean, Adur Ezenarro alkateak, harrera egin zien Udaletxeko areto nagusian Pézenaseko (Frantzia) ikasle eta irakasleei. Asteazkena zenez, Ordiziako Azoka ezagutzeko aukera izan zuten honen eta herriaren sorreraz ere hitz egin zuten. Alkateak pandemia garaian azoka ez zela eten eta izandako antolakuntza esplikatu zien era berean.

Mendi-irteera eta txangoak izango dira astean zehar eta… ea Orienting-eko klaseak balio izan dien! Hainbat frantses galduta ibili dela jakin dugu, Urbira ezin iritsirik…, baina oraingoan gureak zuzen-zuzen! Mobilen bat, jertseren bat… galduta, baina eguna amaitzerako denak etxean!

Batxi2koak, berriz, azterketak amaituta eta errekuperazio-klaseetan, jada. Bada txangora joateko indarrik gabe iritsi dena eta klaseetara joatea nahiago izan duena… Ai! Zahartzen ari dira hauek, e?

Goierriko Hitza