2019-Batxi1+2-Stop istripuak

Denok genekien latza izango zela…

Sorpresa izan da argiak itzaldu eta txunba-txunba hasi denean, argiak dir-dir iluntasunean… DJ-a atera da eta kurisitatea behintzat sortu du parranderoarekin hizketan… eta… algarak, katxondeoa, aretoa ilun-ilunkomobokadelobo… Pelikula motz bat jarri digute, festa, edaria, dantza… lodesiempre ematen zuen…

Baina gero gauza serio jarri da.

Ordiziako udaltzainetako bat atera da eta dotore hitz egin du, inguruko gauzetaz hitz egin du, Ordizian izaten diren ixtripuez, harrapaketaz (horrela esan du!), mobilaren eraginaz, kotxe bat ibaira erori zen hartaz…

Albisteak agertu dira pantailan. Dagoeneko jendeari katxondeo gogoak joanda, denok arreta biziaz geunden.

Suhiltzaile bat atera da gero, Ordizian egoten dena hau ere. Arriskuei ezin zaiela ekidin esan digu, beti egon behar dela erne, aldagai mila baitaude inguruan eta beti gerta daiteke espero ez duguna. Tripak mugituta geratzen dela maiz esan du, lanak loa kentzen diola zenbaitetan, nor ote da? ezaguna?…

Irudi gehiago pantailan, istripuak, zauriak…

Begoña atera da oraingoan, medikua edo… larrialdietako anbulantzian ibili ohi dena behintzat. Lesion medular aitatu du eta informazio asko eman digu, zauria non, kaltea han… Arrazoien artean berriro mobila, edo GPSa, edo lagunekin despistatzea edo… Gazteak gehienak, motozale asko… Uf…

Behean zegoen gurpildun aulkian bat… espero genuen hitz egingo zuela… eta bere esperientzia kontatu du… Azken eguna oporretan, txamarra ahaztu, haren bila joan… azken potea… azkena hankan ibiltzeko aukera izan zuena… lesión medular. Uf! Kontuz esan digu.

Pantailan berriro. Gurasoak, semea galdu duen ama bat, anaia galdu duen arreba bat. Dí que no al amigo que ha bebido o se ha drogado esan du amak. Un minuto de silencio eskatu du. Tontoren bat (edo tuntunen bat…) geratzen zen oraindik aretoan eta hautsi du, baina isiltzeko eskatu dio jendeak.

Aurkezleak ere atera dira berriro eta beraien esperientziak ere kontatu dizkigute… eta … nork ez du horrelako esperientziaren bat ingurun?

Ba… hortxe geratu gara… zerbaitetarako balioko digulakoan…

Argazki gehiago ikusi nahi izanez gero: HEMEN

2019-Batxi2-Irteera-CAF

Bi astearte daramatzagu CAF bixitatzen. Aurreko astean joan zen Batxi2A taldea eta gaur, berriz, Batxi2B.

Abentura izaten da geltokian geratzea eta denok etorri garela konprobatzea… A uste nuen beranduen iristen zen taldea zela, baina ez… B-k superatu du! Beñat etorri da beranduen (10 min!) eta korrika eta presaka joan behar izan dugu Beasaineraino. Fresko egiten zuen, baina… ondo berotuta iritsi gara!

Davidek egin digu harrera eta oso ondo aurkeztu digu enpresa. Jende desberdinak aurkeztu dizkigu División 3 edo División 4ko gorabeherak, baina antzeko mezua atera dugu bi taldeetan.

A taldeak gogo gehiago agertu zuten CAFen lan egiteko. B hotzago geratu da puntu horretan…

Ikasi ditugun gauzen artean:

  • 1860-1906 bitartean, CAF mantenura dedikatu zen.
  • 1917an sortu zen CAF, zama-bagoiak egiten zituen enpresa.
  • 1969an: I+G
  • 1992-2000: Nazioartekotzea
  • Beasain+Castejón+Irun+Zaragoza
  • Frantzia, AEB, Brasin, Mexiko, Ingalaterra
  • Indian eta beste hainbat tokitan ez dago instalaziorik, baina badaude proiektuak. 38 herrialdeetan du presentzia CAFek
  • FILIALAK: CETEST (laborategiak), CAF MIIRA (gurpilak)
  • % 100 balore merkatuan. Langileek % 30 ia. Kutxabankek % 14a. Deslokalizatu nahi izanez gero, ezin! Zumarragako Arcelor deslokalizatu egin zuten. Hau ezin!
  • Krisi garaian, inbertsio gehiago.
  • Langileak: 12.065. Horietatik 4.311 CAFen zuzenean eta 7.754 filialetan. % 31 ingeniariak dira.
  • Ingurumena: E zaindu, ez hainbeste kontaminatu…
  • Hemen lan egiteko baloratzen diren gauzak:
    • Hizkuntzak eta, batez ere, ingelesa.
    • Goi mailak
    • Ingeniaritzak
    • ADE…
    • Esperientzia.
  • Proiektu asko dituzte une honetan. Eskaintza ezberdinak aurkezten dira horretarako eta, sinatu eta gero, ingeniaritza-taldea sortzen dute. Jefe de proyecto delakoak lan-talde bat zuzenduko du eta planninga egingo dute. Diseinua egin beharko da eta dokumentazio ikaragarria prestatu beharko da: dena desglosatuta, ebidentziak emanez.
  • 5 ataletan banatzen da hemengo lana eta bezeroarekin negoziatu beharko dira:
    • Estrukturak, kaxa, aluminioa altzairua izan ordez, Suitzatik ekarria
    • Boggieak: gurpilak eta motorra doa hor.
    • Sistemak: Asko kanpotik egina erosten da eta bertan montatu.
    • Bukaerak: Barne eta kanpoko diseinuak eta instalakuntzak, CATIA, ENOVIA… Bezeroari erakusteko, maketak egin ordez, realidad virtual.
    • Teknologia-departamentua: Soinu gutxiago eragin, tenperaturak zaindu, sua…
  • Natale ausartu da galdera egitea: ingeles-maila? Erantzuna: First ez da nahikoa!
  • División 3 eta División 4 erakutsi dizkigute, laminatuak, bukaerak… Ezer ez izatetik, kotxea izatera. Kotxe=Bagoi guretzat! Denak txaleko horia soinean, denak betaurreko galantak muturrean… Maide look partikularrean, klaro… jeje… Naiara ezin ixilik egon…
  • Jakin dugu era berean altzairutegia itxita dutela orain eta kanpotik erosten dutela. Txinatik? Ez. Baina ez dugu argitu nondik ekartzen duten altzairua.
  • Kaizen dinamikaren grafikoak ere ikusi ditugu nonahi. Baita peskadila eta bere arazo eta ondorioak ere…
  • Ikusi dugu kotxea (bagoia) Z1 fasetik Z7 edo Z8raino nola doan gero eta osatuagoa… Katea. 3 egunez behin aldatzen omen dira lekuz…
  • Euskara ikusi dugu kartel guztietan, hasieran; gaztelania, ingelesa eta alemanieraren aurrean.
  • Emakumeren bat ikusi dugu, ez asko…

Asko ikasi eta ikusi dugulakoan etorri gara etxera… Eskerrik asko zuen pazientziagatik!

Argazkiak ikusi nahi badituzue, sakatu HEMEN.

2019-Batxi1-Irteera-Orona+Chillida-Leku

Hementxe dituzue Batxilergo 1.mailako ikasleak euren etorkizuna idazten. Teknologia eta artea uztartzea izan da, oraingo honetan, irteeraren helburu nagusia.
Orona Ideok berrikuntza ereduan suposatzen duen jauzi kualitatiboaz aritu zaigu Iñigo Marquet, baita Orona Fundazioaren alderdi gizatiarraz ere.
Bestalde, Nausica Sánchezen eskutik, Chillidaren mundura hurbilketa egin dugu eta paisaiarekin elkarreraginean dauden artelanaz gozatzeko aukera paregabea izan dugu.
Ostiral goiza bikaina!!!

2019-Batxi2-EZ OHIKOAK-Hautaprobak

Bihar hasiko gara borroka honetan, e?

img_20190702_202034

Hau da interesatzen zaiguna orain. Trenez joan beharko bazenute, 07:23koa hartzea gomendatzen dizuegu. Hurrengoa ere iritsiko da ziurrenik, baina… autobusa hartu eta… lehen egunean horrela joango nintzateke ni… Hurrengoetan beranduxeago nahikoa. Gogoan izan:

  • NAN
  • Ikastolan emandako agiria
  • Axota urdin parea…
  • Lasaitasun pixka bat…

Eta… bukatzear dugu!

Animoooo!

Argibide gehiago