2017 – Batxi2 – OHIKO nota banaketa

Bihar, osteguna, 09:25ean egingo dugu.

Hor zehaztuko dugu Hautaprobetako klaseen ordutegia

Gurasoen txandak ere hor hartuko dituzue.

Animo! Azkena falta zaigu-eta!

Advertisements

2016-2017-Batxi1-Uretako sorospena

BUSTI BELDURRIK GABE, SALBU GAUDE ETA!

Urtero legez Batxi 1eko ikasleek uretako sorespenaren inguruan egin dute ikastaroa. 3 astetan jarraian 12:40etik 14:15era bitartera izan da eta bertan ikasleak gai honen inguruan oinarrizko ezagutzak jaso dituzte. Beraz, uretatik gertu arrisku egoeran bazabiltza lasai egon, batxi 1eko edozein ikasle gertu badago. Ikastaroa Mikel Unanuek eman du eta azpimarratzekoa da ikasleek izan duten jarrera.

2016-2017-Batxi1-IRTEERA-Irizar-STARTinnova

 

GRUPO DE ALUMNOS DE LA IKASTOLA JAKINTZA DE ORDIZIA EN IRIZAR

 

Aurreko asteazkenean burutu zen irteera Batxi1ean. Irizarrera egin genuen bisita, hau baita gure enpresa laguntzailea enprenditzaia sustatzeko programa honetan.

STARTinnova programak 5 edizio daramatza, jada, eta ikasleengan autonomia bultzatuko duten jarrerak sustatzea du helburu, proiektuetan parte hartzea eta ideia berritzaileak aportatzea. Jarrera hau ez da beharrezkoa negozioa martxan jartzeko orduan bakarrik; haratago joan nahi du: gure gizartean ditugun arazoak konpontzeko soluzioak proposatuko dituzten sentsibilitateak nahi ditu.

e-learning plataforma batean oinarrituz, teoria eta ariketa interaktiboak uztartuz, ikasleek enprenditzaia sustatzeko helburu duen bidea jorratu dute Batxilergo 1eko gai batean eta, bide horretan, Irizar izan du mentore.

Gurekin izan zen, era berean, Joanes, gure artean praktikak egiten ari den ormaiztegiarra. Enpresaren ondotik egunero pasatzen bada ere, sekula enpresa barrura sartu gabe zegoen eta interes handiz jarraitu zuen ekintza hau.

Proiektua Diario Vascok bultzatu du eta hementxe duzue haren artikulua.

2016-2017-Batxi1 G-IRTEERA-Goieki

2017-batxi1g-goieki1Eguraldi txarra izan dugu lagun ostiral honetan… Gehienok geunden puntual-puntual Tximistako autobus paradan… Larritu gara Maddi ez denean iritsi, baina keba! Minuturen bat atzeratuta du erlojua, hori bai… Espero bezala, Eneko biden zetorren…, baina, abiaraztea erabaki dugunean, hantxe izan dugu! … Estos beasaindarras…!

Gauza franko erakutsi zigun Nikok eta pazientzia ere erakutsi zuen. Ea nolako ideiak geratu zaizkigun kazkarrean!

Goieki, Goierriko enpresak elkartzen dituen erakundea da; 1993an sortu zen, krisi ekonomikoaren ondoren, eta Niko eta beste 2 kideen lankidetzak hasi zuten. Egun, 6 kideek osatzen dute Goieki eta Niko da hasierako sortzaileetatik geratzen den bakarra.

Orain arte enpresak 3 fase bizi izan ditu: 1993an enpresa sortzean, Goierriko enpresekin bildu eta beraien ideiak azaldu zizkieten. Bertatik, 16ko taldea sortu zen, elkarlanean aritzeko xedean; enpresa handiek behar zituzten lanetarako azpikontratatzen zituzten; hasieran motel, mesfidantzaz. Baina ez zuten etsi eta, lehenik eta behin, Goiekiko lankideak harremanetan jartzen ziren inguruko enpresa handiekin eta horiek zenbait proiektu eskaintzen zizkieten. Enpresa handiak kontzientziatu nahi zituzten; beraien lanerako ezinbestekoak ziren piezak orain arte kanpoko herrialdeetatik inportatzen zituztenak inguruko enpresa txikiek kalitate berberean eta kostu txikiagoan egiteko gai ziren. Enpresa txikiekin harreman zuzena izaten zuten, hau da, kafe bat hartzera joaten ziren eta bertan hitz egiten zuten. Baina, metodo honen bitartez oso zaila zela aurrera egitea konturatu ziren, enpresa asko ziren-eta. Arazo honi aurre egiteko, beste metodologia bat erabiltzea erabaki zuten. Honen helburua, enpresaburuak haien gunean elkartzea zen hilean pare bat aldiz. Enpresa txikiak alde batetik, handiak bestetik, batera azkenean.

Ordutik aurrera, enpresa txikiak enpresa handiekin elkarlanean jardun zezaketeela jabetu ziren eta ez ordura arte bezala, azpikontratazio moduan funtzionatzea. ELKARLANA funtsezkoa zen!

Helburu nagusia, enpresa txikien eta traktoreen arteko lotura aldatzea zen: azpikontrataziotik kolaboraziora. Enpresa txikiak enpresa handien menpe zeudela sentitzen zuten eta hauek gehiegi estutzen zietela aldarrikatzen zuten. Enpresa handiek, aldiz, hainbat eta hainbat pieza atzerritik ekartzen zituzten kostuak murrizteko. Goeikikoek, egoera hau ikusita, azterketa bat egin zuten, eta Goierrik metalurgiaren industrian zuen indarraz ondorioztatu zuten. Horregatik, enpresa txikiei ohiko lanak egiteaz gain, espezializazioak egitea gomendatu zieten. Espezializazio hauek etxean edukitzeak, kostea murrizteaz gain, kalitate handiagoko materiala eskaintzea ziurtatzen zieten enpresa handiei, horrela atzerriko produktuak alde batera utziz.

Dena ondo zihoala, hemen nahiko lan zegoenez, hasiera batean kanpotik iristen ziren proiektu berriei uko egiten zieten, ez zutelako horiei eskaintzeko denbora nahikoa eta  momentu horretan jarduten ari ziren proiektuetan oso eroso zeuden. Baina beste proiektuekin hasiz gero, teknologia eta gauza berriak ere ikasi beharko zituzten. Goierriko enpresa txikiei internazionalizatzen lagundu behar zitzaien.

2008an, krisia sartu zen eta aurretik eskainitako proiektu internazionalei uko egin izanaz damutu ziren, horiei baiezkoa eman izan balie krisi garaiko lan faltaren arazoari irtenbidea emateko aukera izango baitzuten. Ordutik aurrera hainbat proiektu burutu izan dira. Hala nola, CAFek bi bagoi elkartzeko pieza Alemaniatik ekarri ordez hemen bertan sortzea eskaini zuen, bertako enpresak elkarlanean ariturik pieza aurrera eramateko gai baitziren. Hemengo langileek zenbait arazo zituzten proiektu horiek burutzeko orduko formakuntza eza eta teknologia falta zirela medio.

Enpresa txikien onurarako, haien potentziala ikusirik, sortutako produktuak atzerrian sal zitzaketela konturatu ziren. Puntu honetara heltzea oso pozgarria izan zen Goieki eta talde guztiarentzat.

Goiekiren laguntzarekin, Goierriko industriak oihartzuna lortu zuen, eta horrela atzerriko enpresariak erakartzea lortu zuten haien leloa  hau izanik,”Tenemos todo lo que necesitamos para la industria metalúrgica en 15 km a la redonda!” .

Nikok hizkuntzen garrantzia ere azpimarratu zuen, bere bidaietako esperientzietan oinarrituz. Ingelera eta frantsesa dominatzea ezinbestekoa da gaur egun! Hizkuntzak ondo menperatzea oso garrantzitsua da, ez zure burua defendatzen jakitea soilik, arlo bakoitzeko hitz teknikoen ezagutza izatea baizik.

25 urte igaro dira Goieki hasi zenetik eta hazia ereiten jarraitzen dute, bidea zabaltzen…

2016 – Hautaprobetako notak jasota!!!

Kaixo denoi!

Zuetako batzuk lasai-lasai geratu zarete, jada, baina badago erabat ados ez dena geratu ere. Ea laguntzen dizuegun! Hementxe duzue notarekin ados ez zaudeten horiek jarrai dezakezuen bide posiblea:

Ez banago ados kalifikazioarekin, zer egin dezaket?

Bi aukera daude:

  • Epaimahaiari ariketen bigarren zuzenketa egiteko eskatu ahal diozu, eta ondoren antolaketa batzordeari erreklamazioa aurkeztu.
  • Erreklamazioa zuzenean aurkeztu ahal diozu batzordeari, bigarren zuzenketa eskatu gabe.

Erreklamazioa egiteko epea

3 egun baliodunekoa izango da, kalifikazioa argitaratzen denetik kontatzen hasita.

Azterketa zuzenduta ikusteko eskubidea dut?

Zuzenketa edo erreklamazio prozesu osoa amaitu ondoren, ikasleak eskubidea izango du zuzendutako azterketa ikusteko (horretarako aurrez eskaera eginda).

Noiz eskatu ahal izango dut azterketa ikustea?

  • Ohiko deialdia: 2016ko uztailaren 5ean
  • Ezohiko deialdia: 2016ko irailaren 1ean

Eskaria Sarbide Bulegoan edo errektoreordetzetan aurkeztuko beharko duzu.

Sarrera probako notarekin ados ez banago, zer egin nezake?

Hautaprobetako notak argitaratu ondoren hiru egun besterik ez duzu erreklamazio hauetakoren bat jartzeko:

  • Bigarren zuzenketarako eskaria. Eskari orrian bertan ikusiko dituzu erreklamazioa jartzeko xehetasun guztiak.
  • Antolaketa Batzordeari erreklamazioa. Erreklamazio orrian ikus dezakezu zer egin behar den.
  • Bigarren zuzenketarako eskaria eginez gero, aukera duzu gerora Antolaketa Batzordeari erreklamazioa jartzeko ere.

Hementxe dituzu galdera-erantzun gehiago.

2016 – Batxi2 – Agurra – 1998ko belaunaldia

Bai… luzea zirudien ikasturte hasieran, baina di-da batean etorri zaigu gainera…

Eguna adostu genuen, ez azkar, ez berandu, Hautaprobak, Konfirmazioa, Mallorca… Gauza askori egin behar ihes!

Argazkiak bildu behar –nik ez daukat txikitako argazkirik, nik ere ez…– Ainhoa eta bere panda ibili ziren ziza-bila! Bideo famoso bat ere bazen, 3 urte zituztenekoa, baina hitzetan geratu zen pelikula mitikoa, ez baitzen digitalizatzeko betarik izan! Osatu zen, azkenean, ditxosozko bideoa… Ummmm! Pixu handia hartu zuen… Ordenagailutik ateratzeko mediorik izango ote zuten?

Irakasleok ere, Ion kapitaina buru, hortxe ibili ginen, bertsoa ezin atera! Baina Zein da zein? ariketa forma hartzen joan zen… forma eta pixua! Irudiak jarri nahi eta aurkezpena gero eta astunago egiten joan zen… Ordenagailutik ateratzerik izango ote genuen?

Eider eta Amaia kantan jarri genituen eta ordenagailu bana lortu zuen bai batak eta baita besteak ere -badakizue, portsiakaso!- Nati ere giltza bila hasi zen eta Gorkari alarma nola jarri esplikatzen saiatu zen. Ai, ene! Larizi aulkiak eskatzea ahaztu! Deitu genion, baina… tardeeeeeee! Furgoneta okupauta! Zaila zegon! Beno… plan B… ikusiko dugu…

IMG_20160610_201724

IMG_20160610_201731IMG_20160610_201719

Gehienak etorri ziren ekitaldira eta nerbio-puntua alboratu eta hasi ginen. Aurkezlek Aloña atera zuten aurrera eta bere idatzi eder hau irakurri zigun honek:

Ez du ematen jada 16 urte igaro direnik. Bizitza osoa eman dugu hemen ia; hemen hazi eta hezi gara, hemen egin ditugu bizitza osorako alboan izango ditugun lagunak, ikaskideak. Gure irakasleak izan direnak ere gogoan ditugu: 2-3 urteko gelatik hasi eta 2. Batxilergora arte izan ditugun guzti-guztiak.

Faltan botako ditugu Ikastolako gauza asko, orain goazen lekuan ez baikaituzte hemen bezain ondo tratatuko. Une txar asko igaro ditugun arren, merezi izan du. Beti eramango ditugu gurekin ikastolan bizitako oroitzapenak.

Etorri eta berriz ere joandako ikasleak izan ditugu. Oso gutxi izan ginen batxilergoa Jakintzan egitea erabaki genuenak, 19 hain zuzen ere, eta egia esan, oso harro gaude gure erabakiaz, unibertsitatea baino lehenagoko ikasketak Jakintzan amaitu izanaz.

Azken bi urte hotan, gainera, ikaskideen arteko harremana asko sendotu da, gelako giroa paregabea izan da eta DBH-n oraindik ondo ezagutzen ez genituen gelakideak hobeto ezagutzeko aukera izan dugu. Ziur gaude urte hauetan sortutako harremana mantendu egingo dela urteak pasa ahala. Horrexegatik, ez genukeen gure erabaki hura ez gure ikastola ezerrengatik aldatuko.

Hau guztiau esanda, eskerrak ematea beste ezer ez zaigu gelditzen, hain ondo prestatu eta horren zintzo portatzeagatik, laguntzeko prest egoteagatik, eta baita botatako errieta eta sermoi guztiengatik ere. Modu batera edo bestera, honek guztiak gugan eragina izan du, gure izaera eta portaera garatzen eta hobetzen lagundu digu, etxeko heziketa eta giroarekin batera. Esan genezake, beraz, gaur egun garena, zati handi batean, ikastolari zor diogula.

Hortaz, besterik gabe, mila esker ibilbide honetan parte hartu duzuen guztioi, bai irakasle, guraso eta ikaskideei. Orain, etapa berri bati hasiera emateko garaia heldu da, baina argi geratu dadila: hemen bizi izandakoa ez da atzean geratuko!

Batxi 2ko zuen ikasleak.

IMG_20160610_201755Malkoa gertu, hasi ginen argazkiekin… O! Ké rekuerdos! Ainhoak egindako bideoak hunkitu gintuen! Ezagutzea ere kosta egiten zen eta, ezagututakoan, argazkiak alde egiten zuen! Baina abilak egon ziren gurasoak horretan!

Irakasleona zailago jarri genuen… Denbora ez baita alferrik pasatzen! je je… Hementxe duzue aurkezpena!

Losagurresderrigor eta poteren bat hartzeko beta izan genuen. Falta zirenak hortxe bildu ziren gurera eta aitzaki-maitzaki franko entzun genuen: ke si beretzietako trena hartu behar izan zuen (zortzietarako iristeko? Ai! L´amourrrrrr!), ke si entrenua ez zen bukatzen… zerbait entzun dugu de unas kañitas eta kantzontzilo ahaztuen istorioa ere ez zen alboratzeko horietakoa!

Eta afaltzera! Solidoak eta likidoak orekan jarri nahian ekin genion ba lan horri ere! Guk zorte aparta izan genuen, gertu baitzegoen txuleta dotore ebakitzen zekien espezialista… Bestela, hantxe ibiliko ginen a lo Cromagnon! Horrela, berriz, a lo kalekume, txukun-txukun, batere zikindu gabe… al butxe-pelutxe!

Hau eta horren artean, orientatzailea, beti bezala, aholkuak banatzen ibili zitzaigun. Sozializatzea oso sanoa zela eta… txotx! Eta arrazoi zuen! Gurasoak orduan bai, barra-barra hitz egiten! Batek horrela esan zuen:

Ese chico de dónde es?

– De Azpeitia.

– Vaya cara de malo tiene, oye! Parece uno de esos irlandeses pícaros…

Enteratu zen gure Gorka delakonbertsazion… zertarako gehiago! Ez zuen besterik entzun nahi! Baietz! Mutila gaiztoa baino gaiztoagoa zela esan zion Juanitori eta rubiyo gizajoa alferrik saiatu zen fama txar hori gainetik kentzen!IMG_20160610_234252.jpg

Gorkak opari berezia jaso zuen afarian. Paper arrosa fosforitoa kendu zionean bere erreibindikazio ospetsuena -kalefazioa tope jartzearen parekoa- lortu zuen: Arruabarrena pasta-kaja! Denak berak bakarrik tragatu beharrean -non sartzen ote ditu!- banatzeari ekin zion. Badakizue… las itxuras…

IMG_20160611_003223Ixiar ere izan genuen gurekin, gutako asko inbidi gorritan utziz… Ondo bizitzen omen da jubilatu eta gero! No te fastidia!

Ez genuen kantatu, baina baziren orroek inguruan…

Iritsi zen crowfounding egiteko unea… Hura zen joan-etorria! Biletea gora, biletea behera… Hala ere… hortxe konturatu nintzen Ekonomiako nota gehienak gaizki jarrita nituela… Mila hirurehun eta piko euro bildu eta… ez zitzaizkien ba 5 euro galdu! 5 euro! Propio hasita ere… Horrela ibili zaizkigu balantzeak urte osoan balantzaka! Beno! Sehizolokesepudoooo!

Argazkia atera behar genuela eta atera ginen kanpora. Larunbatean sartuta geunden, ordurako. First egin behar zuena alde eginda zegoen, jada… Ezingo genuen argazkia osatu… Ummm! Enparantzarantz abitu ginen eta, bidean, jende gehiago galdu genuen: azpeitiarra prudentemente etxerantz abitu zen -hori esan zuen, behintzat!-, Arbizuko rubia ere bai…, guraso batzuk ere joan ziren… eta plazan argazki bat baino gehiago bota genuen ahalik eta jende gehien harrapatu nahian… Beno! Sehizolokesepudoooo!

Garai honetarako, mutil guztiak galduta genituen… eta neska batzuk ere bai. Kirkilera joan ginen karaokea zegoela-eta! … Beno… Santa Maria kalean aurkitu genuen falta zen tropa… Erronda luze baino luzeagoa bota genuen han, baina ez zen kantatzeko aukerarik etorri! Beno! Sehizolokesepudoooo!

Azken despedidak… Guraso gehienak etxeratzekotan agurtu ziren eta guk azkenekoa hartuko genuela eta Kiskara joan ginen. Vaya! Energia aurrezteko programaren batean sartuta egongo dira nonbait… Hura izan zen derrepenten itsutzea! Ilun-ilun komo boka de lobo esango zuen nire ama Kristinak! je je! Algara bat edo beste, selfi bat egiten saiatu ginen han geratzen ginen karroza apurrok… Keba! Ez genuen asmatu iluntasuna besterik erretratatzen! Gaztek etorri ziren gure laguntzan… Honbre, klaro! Asikualkiera! Hura zen dizdira! Futbol-zelaiko fokoa baino argi gehiago egiten zuen mugikor hark, Maider! Eskerrak ez zegoela argi asko eta igual ez zen inor gure tentelkeriaz ohartu… Hurrengorako, Ayerrak bidali digu ikastaro-express bat: http://www.xatakamovil.com/espacio-sony/hacer-un-buen-selfie-requiere-su-tecnica-8-trucos-para-que-los-tuyos-destaquen.

IMG-20160613-WA0000

Kuestioa da ke erretiratzeko ordua iritsi zitzaigula beste batzuoi ere eta… abitu nintzen kale nagusian zehar eta… zein aurkituko eta… aurreko tabernan “etxera” joandako gurasoak, jijiji eta jajaja! Aibala! Hori izan zen eskinazioa! Korrika etxera joan beharrean izan ziren, seme-alabek ez aurrea hartzeko! Desdeluego… eskerrak hezkuntza osatzeko gukin kontatu zutela, bestelaaaaa….!

Orain… trankil-trankil ostegunera arte… Orduan ikusiko dugu zer gertatu zen Descartesekin, Sofistekin edo MateLetraseko azterketa zailarekin… Ordura arte, oporrak ondo pasa eta gero ere ea zorte ona duzuen denok! Plazer bat izan da zuekin aritzea! Aloñaren hitzak harrapatuko dizkiot bukatzeko:

… besterik gabe, mila esker ibilbide honetan parte hartu duzuen guztioi, bai irakasle, guraso eta ikaskideei. Orain, etapa berri bati hasiera emateko garaia heldu da, baina argi geratu dadila: hemen bizi izandakoa ez da atzean geratuko!

Argazki gehiago hemen

2016 – Batxi2 – IRTEERA – Biziraupen sukaldaritza ikastaroa

IMG_20160316_094031Batxi 2k berandu hasi du gaur ekintza. 08:30ean izan ohi bada ere, gaurkoan ordubete geroago geratu gara Delikatuzen. Euria goitik behera, zain egon beharra izan dugu, noiz denak iritsiko… Gure zain zeuden -hau lotsa- gaurko maixtrak: Idoia, Joxepi eta Kontxita. Maider agertu da eta Axierren arrastorik ez… Hasi beharrean izan gara. Halako batean azaldu da mutila, aitzeki-maitzeki… Eneeeee! Hau pazientzieeee!

Idoiak programa agertu digu eta, Kontxita lanak aurreratzea joan den bitartean, Joxepirekin abitu gara azokarantz, behar genituen gaiak eskuratu ahal izateko. Ezin izan dugu denok entzuk hark esandakoa, suge luzea baitzen ikasleok osatzen genuena, baina apur bat bederen… Bertako produktua erostera animatu gaitu, garaikoa eta bueltatxoa eman diogu enparantzari. Gutako asko txikitan amarekin ibilitakoa zen, baina ez aspaldi honetan! Azokan erosteko ohitura galtzear ote dago?

IMG_20160316_110313  IMG_20160316_100441

Kontablea Maider izan da eta hark jaso du zerrenda zegoen libretatxoa eta axota gorri-gorriz joan da prezioak apuntatzen. Ekonomiako nota igotzeko balioko ote dion esan dit… Ikusiko dugu…

IMG_20160316_100406Poltsa parea bete dugu: tipula gorria, letxugak, tomateak, azeitunak… Zama-lanetan, Mendi izan da sherifa. Girik bezala ibili gara geure herrian!

Konpra egin eta Delikatuzera berriro! Joxepi Zuhaizti Elkartera joan da erositako jaki goxoak garraiatzera eta Kontxitarekin batera lanak aurreratzea. Jakintzakoak, berriz, Idoiarekin egon gara piramidea gora eta piramidea behera.

IMG_20160316_101825Beheko solairu handia ikusi dugu, karbohidratoak, gehiena jan beharko genukeena, 4-6 zati egunero: ogia, patata, zerealak… Integrala hobeto, zuntza duelako…

Bigarren solairuan, berriz, Fruta (3) + Barazkiak (2). Oliba olioa ere hemen zegoen (3-5 kutxarakada)…

Hirugarrenean, proteinak: Esnekiak (2-4) + 2. platerak (2 razio). Lehenengoak kaltzioa emango digute eta hobe grasa gutxi eransten badiogu. Bigarrenak, berriz, aldatzen joatea komeni da: lekaleak, arraultza, haragia, arraina… Gogoan izan, egunean 2 razio besterik ez direla! … Ummmm … Suspentsoak gerturatzen ari zirela nabarmena zen… Haragiarekin ere zer den txuria eta zer gorria galdetu du Idoiak. Ni idea! Grasa kantitatea zen el trukillo! Txerriaren goiko aldea, garbiena, txuria dela esan du: txuleta, solomo, solomillo… Muji larri zebilen… 2 razio egunean… Malparaelnegozioooo!

IMG_20160316_105032Arrainarekin igual, txuria eta urdina, grasa gutxi edo gehiago; baina biak konbinatu behar direla esan du Idoiak. Isatsari begiratu behar omen zaio: Abaniko forma=txuria, V forma=urdina.

Arraultza ere komenigarria dela esan du. Aloñak ondo entzun du hori… baina zer erabakiko ote du 18 urte betetzen dituenean? Tofua nahikoa izango ote zaio? Esango digu berak, gutxi falta zaio-eta!

Piramidearen puntako gauzak noizbehinka bakarrik jan behar omen dira… Hantxe zegoen odolkia, edo gazta industrialak, edo… Ai! Suspentso baxu-baxua ia denok!

Pizza ez digu gure dietatik kendu, baina etxekoaren apustua egiteko gomendatu digu, oliba olioz, ezagutzen dugun osagaiekin… barazkiak sartu… Mujiren errezetak begiak zabal-zabalik utzi dizkio Idoia gaixoari: Pizzari, hanburgesa berde bat eta hanburgesa gorri bat botatzen omen dizkio… Goxo-goxoa omen dago… Ai! non geratzen da piramidea? Je je

Larri irtsi dira gehienak lezioaren amaierara, zutik, ezin bertikalari eutsi! Bukatu bezain pronto, alboko aretotxora joan dira, han botatzen ari ziren dokumentala ikustea edo… A! Ez! Eseritzeaaaaa! Erabateko ahul zeuden gure tropak!

Zuhaiztira joateko ordua iritsi da. Mizkin samar agertu dira gure gazteak, ke si entsalada ez dute jaten, ke si lentejak ere ez, ke si arraina ez dute gustuko… Eneeee! Hau pazientzieeee! Lotsa pasatu beharrean izango ote gara hemen?

Esperientzia ez alferrik, ordea! Kontxita, Joxepi eta Javier ari ziren traka-traka lanean eta segituan jarri dituzten gazteak ere martxan. Dena garbituta zegoen, baina txikitzen jarri dituzte… Behatz zati bat moztuz gero, adios gure proteina razioa! Ez da horrelakorik gertatu eta hantxe aritu dira gehienak lanean!

IMG_20160316_113704  IMG_20160316_113414

Usaina gero eta borobilagoa gure suderretan, apetitua ere bai… Ummm! Iritsi da dastatzeko ordua! Banatu dituzte entsaladak -nik esparragorik ez, nik letxugarik ez, nik tomaterik ez…- Menudo lío! Lentejak gero… Benoooo! Hasi zaigu Jon jaten eta, hura sorpresie! Hori zen jatea! Ekialdeko frontean geundenok ia-ia ezer gabe geratzeko arriskuan egon gara! Eskerrak Jonek zaindu gaitula pixkat, ke si no…! Eta etorri da bakailaua! Buenooooooooo! Ezetz ematen zuen, baina azken tomate osagaiak erabat irauli du gazteen mizkintasuna! Raul ez, e? Fiel a sus printzipios, entsalada errepikatu du behin eta berriro… Tomatea ez dut uste plateratik desagertu denik, baina… Bapo jan du de lo verde! Gehienok jan dugu bakailaua eta, hemen ere, top ten=Jonnnnn! Jon1, e? Ze Jon2k esan du berak SEKULA EZ OMEN DITU BARAZKIAK JANGO! Toma ya! Idoiaren esanak alferrik!

Aitziber geratu zaitu ikastaroa egin gabe… Lastime! Datorren ikasturtean piramidea aldrebes erabiliko duuuu! Lasai, Aitzi! Txuletila bat hartu dut zuretzat!

Baina nire ustez, gaurkoan ere lezioa ikasi dugu. Jateko eta erosteko erak zaintzearen garrantzia entzun dugu eta Joxepi, Kontxita eta Javierri esker bereziak eman behar dizkiegu. Azoka eguneko kontu potxoloak alboratu eta gure artalde hau gobernatzen jakiteagatik, alegia! Eskerrik asko denoi!

IMG_20160316_120159Argazki gehiago hemen.