2016-2017-Batxi1-Uretako sorospena

BUSTI BELDURRIK GABE, SALBU GAUDE ETA!

Urtero legez Batxi 1eko ikasleek uretako sorespenaren inguruan egin dute ikastaroa. 3 astetan jarraian 12:40etik 14:15era bitartera izan da eta bertan ikasleak gai honen inguruan oinarrizko ezagutzak jaso dituzte. Beraz, uretatik gertu arrisku egoeran bazabiltza lasai egon, batxi 1eko edozein ikasle gertu badago. Ikastaroa Mikel Unanuek eman du eta azpimarratzekoa da ikasleek izan duten jarrera.

Advertisements

2016 – Batxi1G – Martxoaren 8a: El orgullo de ser mujer

6  voces  6,  desde  Latinoamérica

Zoritxarrez emakumeok nazioarteko eguna dugu; gure eskubideak bermatuta ez dauden seinale. Dena den, zoritxarra edo zoriona perspektiba kontua izan daiteke neurri batean.

Egunari bere alderdirik baikorrenetik begiratuz gero, beraz, aukera paregabea da borrokatzeko. Gure eskubideak aldarrikatu ditzakegu; gure baldintza kaskarrengatik kexa gaitezke; gure arazoak plazaratu ditzakegu; ikusgarritasuna ematen digu egun honek. Helburu horiek denak barnebilduz Jakintza ikastolako ikasleak ere lanean aritu dira egun hau aitzakia eta arrazoi hartuta.

Sarritan gizonezkoak baino ez ditugu topatzen testuliburuetan. Bada, DBHO1eko ikasleek Literatura Unibertsalean nabarmendutako emakume idazleak landu dituzte. Zehazki, Hego Ameriketako 6 emakume idazle: Rosario Castellanos, Alaide Foppa, Gabriela Mistral, Alejandra Pizarnik, Alfonsina Storni eta Idea Vilariño. Sei emakume, sei bizitza eta sei ahots. Lehenengo mailako giza zientzietako zortzi ikasleek aipatutako autoreei buruzko aurkezpen musikatua eskaini dute. DBH3ko ikasleez gain, herri mailako eragileak ere bertaratu dira; esaterako, Kimetzeko hainbat kide.

Noizbait, martxoaren 8a gure egutegietatik kentzeko esperantzaz borrokan jarraitu behar dugu. Benetako berdintasunaren alde egin dezagun!

EUSKAHALDUN. 19. Korrika

Korrika eta Korrika txikia

2015eko martxoaren 19an eman zitzaion hasiera Korrika 19ri, Urepelen eta amaiera Bilbon izango du, martxoaren 29an.

Ordizian, martxoaren 23an, astelehenean, iluntzeko 00:25ean Aramak lekukoa pasa eta N-1 zaharretik sartuko da, hortik Buztuntzara, gero herrira eta Beasain alderako bidea hartuko du Korrikak ondorengo ibilbidea eginez: Euskal Pilota, Buztuntza, Filipineta, Zuberoa, Gudarien Etorbidea, Euskal Herria, Garagartza, Ordizia, Joan Amezketa, tren-geltokia, Tximista, Gudarien Etorbidea, Euskal Herria, Garagartza, Ordizia, Urdaneta, Malkasko.

Gure ikastolak, 3 kilometro erosi ditu eta hauek izango dira ikastolako korrikalariak:

Ikastolako kilometroa: Ana Zurutuza eta Leire Catalan juntakide berriak.
Ikasleen kilometroa: Uxue Pecharroman, Natale Irastorza eta Josu Lekuona
Irakasleon kilometroa: Bixen Mujika eta Ixiar Oiarbide

Korrika txikia

Astelehenean, hilaren 23an, goizeko 10:30ean hasiko da eta Plaza Nagusian amaituko da. Jarraian, maila bakoitza non kokatuko den eta lekukoa eramatearen ardura izango dutenak.

Maila bakoitzaren kokapena eta lekukoa eramango dutenak:

DBH2- Goierriko baratzaren parean (Lehenagoko suhiltzaileak): Carmen Chindris, Anthony Nazabal
DBH1- Tximistako zubian: Irati Zunzunegi, Naia Soto
LH6- Poligonoko Kutxan: Nagore Nieto, Uxue Mujika
LH5 Tximistako zubian, Poligonotik bueltan: Julen Madaleno, Eusko Garcia
LH4- Zuhaiztin, Olano tabernaren inguruan: Hegoi Ruiz de Egino, Irati Beriain
LH3- Garagartza plazan: Laxia Arsuaga , Sara Elzaurdi
LH2-DBH/BATXI Elizan(Korreos zaharraren parean): Markel Ajuria- Eider Matxain, Markel Carnicer-Aitziber Jaka
LH1-DBH/BATXI Barrenan, bigarren bueltan: Ainhoa Corado-Julen Garcia eta Uxue Lukin-Adel Benmiloud

Iturria: http://jakintza.eus/2015/03/19/korrika-eta-korrika-txikia/

2014-Batxi1ekoak Olentzeroren zain

2014-Olentzero

Horrelaxe jaiki ginen azken ostiralean, dotore-dotore eta ilusioz jantziak. Olentzero eta Mari Domingin etorri ziren eta, garrantzitsuena, astoa ere bai! Eguaraldiaren konjuroak funtzionatu zuen oraingo honetan!

Olentzeroren eta Mari Domingiren etorrera

 

Gure neska-mutilek berriro sinetsi zuten magian HH-ko ume txikienen mukiak kentzen hasi bezain pronto. Erabat profesional bihurtu ziren, argazkirik ateratzeko betarik gabe, umeak zaindu behar zituztela-eta. Azkar samar alde egin beharrean izan ginen, futboleko finalerako klasifikatuta baitzeuden gure mutilek…, baina hori beste kontu bat da…

Denontzat izan zen egun aparta… Datorren urtera arte, jende!

2014-Startinnova Jakintzan: Iranzu Sainz de Murietarekin Txarla digitala

20141216_115807

Startinnova egitasmoaren barnean, aste honetan izan dugu Iranzu Sainz de Murieta gure artean. Elkarrizketa digital bat eskaini digu ekintzaile honek eta Batxilergo 1. mailako ikasleek adi-adi entzun dute haren esperientzia. Iruñeako emakume honek bere enpresa propioa sortu zuen orain dela urte batzuk lagun baten laguntzarekin eta bere esperientzia kontatu digu.

Aurretik, enpresa batean lanean ibilitakoa da eta eta pauso bat aurrera ematea erabaki zuen momentu batean, bere enpresa propioa sortuz. Enpresa propioa sortzeak dituen abantailak eta desabantailak kontatu dizkigu eta Batxilergoko lehenengo mailako ikasleak adi-adi egon dira. Tartean behin, galdera batzuk ere egin dizkiote eta nork daki, aholku hauekin, etorkizun batean, ikasleek ere enpresari bezala beraien bide propioa egiteko aukera izango duten!

Hementxe duzue ekitaldiaren Diario Vascoren bideoa

2014-Batxi2ko ikasleek prestatutako agurra – 96koak

SONY DSC

Larunbata egun berezia izan zen. Aste honetan izan ditugu Hautaprobak eta nerbio-puntu berezia izaten dugu hori ikasturte honetan. Aurten ere ez da gutxiagorako izan eta, ostirala era berezian dastatzen den proba bukaera izan zen. Gainera, Beasaingo festak! Hori bai ospatzea!

Ikasturtean zehar, askotan hitz egin dugu ospakizun honetaz. Beldurtuta geunden afarirako egiten ari zitzaigun jende pilarekin eta ez genekien nola era hoberenean kudeatu. Sagardotegiko aukera bultzatu zuten ikasleek eta, hemen eguerdian bazkari handia zegoenez, ezetzaren beldur ziren.

Itsasnek ireki zigun lanerako dokumentu partekatua eta adostasun batzuetara iristen saiatu ginen. Argazkiak biltzeko dei bat baino gehiago egin beharra izan zen, bukaerara arte oso gutxik ekarri baitzituzten.

Dantza egiteko ideia garatu samarra zegoen. Ikasle denak egingo zuten eta nola eta noiz ikasi eztabaidatzen aritu ziren. Hautaprobak etorri ziren eta ideia hauek guztiak alboratuta geratu ziren.

Elaiak lan karga handia hartu zuen eta bideoaz arduratu zen. Argazki pilaren muntaia zen eta bere ordenagailua “obsoleszentzia programatutik” gertu geratu zen.

SONY DSC

Azkenean, ehun bat pertsona bildu ginen VillaEugenian, ikasle gehienak Jakintzan hasi ziren tokian. Ikasleez gain, guraso ugari etorri zitzaigun eta gozo-gozo aritu ginen argazki zaharretan jendea ezagutu nahian.

Ainhoa eta Elaia aurkezle dotore izan ziren eta gelakideentzako diplomak ere eginak zituzten. Mezu bikaina eman zuten eta, urte hauetan ikasitakoaren artean, elkarbizitza azpimarratu zuten.

Amaiak ere bere brotxea jarri zion eta irakasleon ordezkari bikaina izan zen.

Aurten ez zen gurasorik animatu -iaz bai!- baina guraso bat akordatu zen argazkiekin, gu erabat ahaztuta baikeunden! Sararen aita izan zen.

Poteatzeko beta ere hartu genuen eta trago pare bat hartu genuen bero jarraitzen zuen larunbat sargori hartan.

Eta afaltzera! Txotx batzuk egin genituen… jendea poz-pozik jartzen joan zen… eta gu eskerrak emanez gurasoak ere bertan zirelako! je je… Ordu txikitan bukatuko zen animazioa izan zen hura!

Zorionak denoi! Ohore bat izan da zuekin egotea eta zuekin batera ikastea!

SONY DSC